Momskompensasjon for frivillige organisasjonar

Formålet med ordninga er å fremme frivillig aktivitet. Ordninga skal kompensere for kostnader som frivillige organisasjonar har til  meirverdiavgift ved kjøp av varer og tenester. 

Målgruppa for ordninga er frivillige organisasjonar som er registrerte i Frivilligregisteret, og der frivillig innsats er ein viktig del av verksemda. I tillegg til å vere i målgruppa, stiller forskrifta ei rekke krav som må vere oppfylte for å kunne få momskompensasjon. Sjå nettsidene til Lotteri- og stiftelsestilsynets for meir informasjon om krava til søknad. 

Momskompensasjonen skal brukast i den delen av verksemda som har vore grunnlag for tildelinga av kompensasjonen. 

Søknad med pliktige vedlegg skal sendast inn elektronisk via nettsida til Lotteri- og stiftelsestilsynet.

Dersom organisasjonen er knytt til eit sentralledd anten organisatorisk og/eller gjennom vedtekter (til dømes Norges idrettsforbund, Noregs Røde Kors, Norske Kvinnes Sanitetsforening), skal søknaden sendast via sentralleddet. Merk at sentralledd har eigne søknadsfristar som er tidlegare enn søknadsfristen til Lotteri- og stiftelsestilsynet, og at underledd må bruke den søknadsmodellen som sentralleddet har valt.