Personvernerklæring
I arbeidet med mange av oppgåvene som Lotteri- og stiftelsestilsynet har ansvar for behandlar vi opplysningar om enkeltpersonar (personopplysningar). Denne personvernerklæringa gir informasjon om korleis Lotteri- og stiftelsestilsynet samlar inn og brukar personopplysningar om deg som brukar.
- Publiseringsløysing for tilskotsforvaltarar
- Nyheitsbrev til tilskotsforvaltatarar
- E-postabonnement på oppdateringar
- Nettstatistikk
- Informasjonskapslar
Sist oppdatert
Publiseringsløysing for tilskotsforvaltarar
Tilskotsforvaltarar får tilgang til å publisere tilskot i løysinga ved at verksemda du jobbar i, gir deg tilgang i Altinn. Når du har fått tilgang i Altinn og loggar på tenesta, må du registrere deg i tilskudd.no med namn og e-postadresse frå verksemda di. Vi brukar denne informasjonen til å ha oversikt over kven som publiserer tilskot i løysinga og kva for endringar som blir gjort. I tillegg brukar vi e-postadressa til varslingar til tilskotsforvaltar om viktige oppgåver og informasjon.
Vi deler ikkje opplysningane med andre.
Nyheitsbrev til tilskotsforvaltatarar
Lotteri- og stiftelsestilsynet sender ut nyheitsbrev per e-post. Dei som ønsker å abonnere må registrere seg med e-post, og eventuelt namn og informasjon via eit påmeldingsskjema. E-postadressa blir lagra i ein eigen database som er drifta av databehandlaren vår Make AS. Den blir ikkje delt med andre og blir sletta når du melder deg av nyheitsbrevet.
E-postadressa blir også sletta dersom Lotteri- og stiftelsestilsynet får tilbakemelding om at den ikkje er aktiv. Du kan melde deg av ved å trykke på lenka for dette i nyheitsbrevet eller ved å kontakte oss. Lotteri- og stiftelsestilsynet behandlar personopplysningane fram til du melder deg av nyheitsbrevet.
Behandlingsgrunnlaget for behandling av e-postadressa di i tilknyting til nyheitsbrevet vårt er personvernforordninga artikkel 6 nr. 1 bokstav a, altså samtykke. Du kan når som helst trekke samtykket tilbake ved å melde deg av nyheitsbrevet. At du trekker samtykket ditt vil ikkje påverke lovlegheita av behandlinga av personopplysingar som skjedde før du trekte samtykket tilbake.
E-postabonnement på oppdateringar
I tenesten tilskudd.no kan du abonnere på varsel om endringar og oppdateringar i tilskotsordningar. Når du registrerer deg som mottakar av slike varslar må du oppgi e-postadressa di. Vi lagrar e-postadressa di slik at vi løpande kan varsle om endringar. I alle varsel du mottar på e-post, får du val om å avslutte abonnementet. Viss du avsluttar abonnementet, slettar vi e-postadressa di og all informasjon om kva for tilskotsordningar du har abonnert på.
Nettstatistikk
For å analysere informasjonen brukar vi analyseverktøyet Matomo. Informasjonen som blir samla inn, blir lagra lokalt på våre eigne serverar. Berre rapportar med avidentifiserte data kan bli delt med våre samarbeidspartnarar.
Informasjonskapslar
Som del i arbeidet med å utvikle ein brukarvenleg nettstad, samlar Lotteri- og stiftelsestilsynet opplysningar om bruken av våre nettsider. Formålet er å utarbeide statistikk for å forbetre nettsidene og det redaksjonelle innhaldet.
Vi brukar analyseverktøyet Matomo Analytics. Matomo Analytics brukar informasjonskapslar (cookies), som gir informasjon om den enkelte brukars bevegelsar på nett. Cookies er små tekstfiler som blir lagra på datamaskina di. Desse informasjonskapslane blir brukt til å generere statistikk og til å støtte deg som brukar. For eksempel kan dei bidra til at sider blir vist raskare. Statistikken som blir generert gir oss blant anna svar på kor mange som besøker nettsida vår, kor lenge besøket varer samt kva nettlesar som blir brukt.
Lotteri- og stiftelsestilsynet brukar Matomo Analytics sin sporingskode, som anonymiserer IP-adressa di før informasjonen blir lagra. Vi kan difor ikkje knyte informasjon om bruken din av nettstaden til deg som enkeltperson, og du kan ikkje bli identifisert.
Ved å bruke våre nettsider samtykker du i at det blir lagra informasjonskapslar i nettlesaren din. Dei fleste moderne nettlesarar aksepterer informasjonskapslar automatisk, men du kan sjølv velje å endre innstillingane slik at desse ikkje blir akseptert. Du kan også slette informasjonskapslar. Vi gjer merksam på at du kan oppleve redusert funksjonalitet dersom du vel å ikkje akseptere informasjonskapslar.
På fleire informasjonssider på vår nettstad vil du finne ein funksjon kalla «Fann du det du leitte etter?» som kan brukast til å gi tilbakemelding. Tilbakemeldingane blir brukt til å forbetre innhaldet og brukarreisa på nettsida. Vi kan ikkje spore kven som har gitt oss tilbakemeldingar.