Regionale kulturfond: Kunst- og kulturutvikling Møre og Romsdal

Målet er å støtte større kunst-, kultur- og kulturmiljøprosjekt som styrker kulturlivet i fylket, fremjar innovasjon, skaper nye samarbeid og kulturtilbod, og bidreg til eit opent, inkluderande og mangfaldig kulturliv.

Ordninga er retta mot aktørar som jobbar profesjonelt med kunst, kultur og kulturmiljø, og som utviklar større prosjekt med regional betydning:

• Offentlege og private organisasjonar
• Kunst- og kulturinstitusjonar
• Profesjonelle kunstnarar og kunstnarfellesskap
• Private aktørar i kunst- og kulturfeltet

• Større kunst-, kultur- og kulturmiljøprosjekt som styrkar kulturlivet i fylket 
• Prosjekt som blir realisert i partnarskap, gjerne mellom offentlege og private aktørar, institusjonar og organisasjonar
• Tiltak som har direkte relevans til fylkeskommunen sine strategiar, og som bidreg til å nå mål i kommunale og regionale planverk (t.d. Fylkesplan og kulturstrategi) 
• Prosjekt som resulterer i noko kvalitativt nytt, som nye kulturtilbod, nye uttrykk, nye samarbeidsformer eller andre former for nyskaping 
• Tiltak som gir resultat til ei brei målgruppe eller eit breitt publikum 
• Forprosjekt og hovudprosjekt, der prosjekt kan gå over inntil tre år og eventuelt få støtte fleire gongar under føresetnad av vidare løyvingar