Amatørteateraktivitet i grupper

Denne tilskotsordninga er for aktørar som driv med frivillig amatørteateraktivitet i grupper. Formålet med tilskotsordninga er å stimulere til frivillig aktivitet og brei deltaking innanfor teater og scenisk dans blant vaksne amatørar i heile Noreg.

I 2025 vart retningslinjene justerte - pass på å lese dei før du søker!

Gå til ordningssida for å lese retningslinjene.   

Aktørar som driv med frivillig amatørteateraktivitet i grupper kan søke. Både privatpersonar og organisasjonar som verker innanfor det frivillige amatørteaterfeltet kan søke. Søkar/kontaktperson må sjølv vere ein del av gruppa. 

Gå til ordningssida for å få meir informasjon.  

Tilskotet kan brukast til amatørteateraktivitet der fleirtalet av aktørane er amatørar over 18 år. 

Typiske eksempel på kva du kan søke om tilskot til, er husleige, scenografi, honorar til ekstern fagperson, leige av teknikk og teknikar, deltaking på eksternt kurs for gruppas medlemmar, med meir. 

Amatørteater inkluderer her ulike performative uttrykksformer som revy, scenisk dans (til dømes hip hop, ballett eller magedans), musikkteater, impro, nysirkus og liknande. Det er òg mogleg å søke om støtte til rollespel/laiv. Aktørar kan ikkje få støtte til kor, konsertar og sosial dans (til dømes pardans eller leikarring) gjennom denne ordninga.

Pass på å lese retningslinjene nøye før du søker. Gå til ordningssida for å få meir informasjon .    

Kvar gruppe kan søke om inntil 30 000 kroner kvar runde.  Gå til ordnigssida for å få meir informasjon . 

Du skal gjere greie for korleis gruppa har brukt tilskotet frå Kulturdirektoratet. Du skal levere bilag (kvittering eller faktura) for alle utgifter du har søkt om tilskot for å dekke. Vi godtek ikkje bankbilag åleine. 

Du må sende inn rapport seinast tre månadar etter at prosjektet er avslutta.

Gå til ordnigssida for å få meir informasjon.   

Søknaden, inkludert eventuelle vedlegg, skal sendast inn til Kulturdirektoratet innan søknadsfristen har gått ut. Søknadsfristen er alltid kl. 13.00.

Bruk det elektroniske søknadsskjemaet i søknadsportalen til Kulturdirektoratet.  

I 2025 vart retningslinjene justerte - pass på at du har lest og forstått desse før du søker !